-->

Tuesday, May 10, 2016

Konkurs Komuna Gjilan: 11 drejtorë dhe 2 zv drejtorë

6:57:00 AM
Komuna e Gjilanit-Drejtoria e Arsimit: Shpall Konkurs per punesimin e 11 Drejtoreve dhe 2 Zv Drejtoreve ne Cerdhe,Shkolla Fillore dhe te Mesme.

KOMUNA E GJILANIT

DREJTORIA E ARSIMIT 

Konkurs Komuna Gjilan
Komuna e Gjilanit

Nё bazë tё nenit 5 pika d tё Ligjit për Arsimin nё Komunat e Republikës sё Kosovës, Ligjit për Arsimin Parauniversitar neni 35 pika 1, si dhe nё bazë tё Udhëzimit Administrativ 08/2014, për procedurat dhe kriteret e zgjedhjes së drejtorit dhe të zëvendësdrejtorit tё institucioneve edukativo-arsimore dhe aftësuese, Drejtoria Komunale e Arsimit nё Gjilan, shpall dhe rishpall :

K O N K U R S PËR PLOTËSIMIN E VENDEVE TË LIRA TË PUNËS 


Shkollat Fillore të Mesme të Ulëta 

-1- Shkolla Fillore “Musa Zajmi”

Pozita : Drejtor ( rishpallje)
Pozita : Zv.Drejtor ( rishpallje) 

 -2- Shkolla Fillore “ Mulla Idriz Gjilani”
Pozita : Drejtor ( rishpallje) 

 -3-Shkolla Fillore “Abaz Ajeti”
 
Pozita : Drejtor 

 -4-Shkolla Fillore “Nazim Hikmet”
Pozita : Drejtor 

 -5- Shkolla Fillore “Ibrahim Uruqi”
Pozita :Drejtor 

 -6-Shkolla Fillore “Rexhep Elmazi”
Pozita :Drejtor

Institucionet Parashkollore – Çerdhet 


-1- IP “ Integj” 

Pozita : Drejtor ( rishpallje) 

 -2- IP “Ardhmëria II”
Pozita : Drejtor ( rishpallje) 

 -3- IP “Ardhmëria I”
Pozita : Drejtor 

Shkollat e Mesme të Larta 


-1- Shkolla e Mesme e Lartë e Agrobiznesit “Arbëria ”
Pozita : Drejtor (rishpallje) 

 -2- Shkolla e Mesme e Lartë Teknike “Mehmet Isai” 

Pozita Zv.Drejtor 


Përshkrimi i punëve : 


Udhёheqё institucionin dhe ёshtё pёrgjegjёs pёr : 

  • Zbatimin e ligjshmёrisё, 
  • Detyrat e caktuara për zgjedhjen, vlerësimin, disiplinën dhe çështjet e tjera që kanë të bëjnë me mësimdhënësit dhe punëtorë e tjerë të arsimit, 
  • Përdorimin efikas dhe efektiv të sistemit të informatave për menaxhimin e arsimit dhe respektimin e kodeve të ndërlikuara të praktikës, 
  • Caktimin e masave disiplinore ndaj nxënësve, 
  • Detyrat lidhur me kurrikulumin, 
  • Planifikimin,udhëheqjen dhe koordinimin e tё gjitha aktiviteteve nё Institucion, 
  • Zhvillimin e një plani afatmesëm dhe aftgjatё pёr aktivitetin e Institucionit, 
  • Qështjet e tjera që rregullohen përmes këtij ligji. 


Kushtet që duhet ti plotësojnë kandidatët për të marrë pjesë në konkurs :


  • Tё jenë shtetas të Republikës sё Kosovës, 
  • Tё kenë tё kryer arsimin universitar të nivelit themelor ( kualifikimin prej 240 ECTS/4 vite të shkollimit universitar ) nga profilet e pranueshme për pozitën e mësimdhënësit sipas udhëzimit për licencimin e mësimdhënësve dhe normativit mbi punësimin e kuadrit mësimor dhe rregullativës tjetër ligjore, 
  • Të kenë licencë të rregullt të mësimdhënësit dhe ata që janë në procedur të licencimit, 
  • Të kenë të përfunduar me sukses një program të akredituar të kualifikimit profesional për udhëheqje, administrim ose menaxhim. 
  • Tё kenё 3 (tri) vite pёrvojё pune nё arsim ose në institucione të arsimit. 

Si të Aplikoni


  • Dokumentet e nevojshme: 
  • Certifikata e lindjes, 
  • Diploma e fakultetit tё kryer për nivelin përkatës, 
  • Dëshminë për pёrvojёn e punës, 
  • Portfolion profesionale, 
  • Letërreferencë nga një institucion publik – kredibil ( si Ministria e Arsimit Shkencës dhe Teknologjisë, DKA, Këshilli drejtues i shkollës , punëdhënësi paraprak , Institucionet e Arsimit të lartë. Letrat e referencës duhet të kenë përmbajtje dëshmuese për punën dhe angazhimet paraprake. 
  • Planin zhvëllimor të institucionit edukativo arsimore dhe aftësuese për të cilin ka konkurruar ( së paku 10 faqe tekst me hapësirë 1.5, fonti i shkronjave 12: arial sipas udhëzimeve të MASHT-it, 
  • Qertifikatën shëndetësore të lëshuar nga një institucion publik shëndetësor me të cilën dëshmohet gjendja e tij/saj shëndetësore, 
  • Dëshminë se nuk është nën hetime, 
  • Kopja e letërnjoftimit. 

Dokumentacioni i kandidatëve tё cilët nuk i plotёsojnё kushtet e konkursit nuk do tё shqyrtohet, ndërsa në intervistë do të ftohen vetëm kandidatët nga lista e ngushtë. 

Të gjithë kandidatët të cilët kanë mbaruar studimet jashtë Shtetit të Republikës së Kosovës si dhe nëpër kolegjet private brenda Republikës së Kosovës, e që konkurrojnë për këto pozita, duhen që diplomat e tyre ( gradat universitare të fituara) të jenë të njohura nga Ministria e Arsimit, Shkencës dhe Teknologjisë në pajtim me udhëzimin administrativ, nr. 8/2010 të datës 22.06.2010, në të kundërtën komisioni gjatë selektimit të aplikacioneve, do të refuzoj çdo aplikacion të kandidatëve të cilët nuk e kanë plotësuar këtë kusht të konkursit. 

Kohëzgjatja e kontratës: sipas Udhëzimit Administrativ 8/2014 ( 4 vite). 

Konkursi mbetet i hapur për aplikim 15 ditë nga dita e shpalljes në gazeta zyrtare. 

Tё gjithë kandidatët e interesuar duhet t’i marrin aplikacionet dhe tё plotësuara tё dorëzohen pranë Qendrën për Shërbim të Qytetarëve nё Gjilan.